選擇目的地

沙巴馬來西亞

【沙巴自由行】必去景點！浮潛、島嶼行程必去推介

JOYKreator - 鋒加西亞

Last updated 2024年1月10日

[hk]JOYKreator 鋒加西亞

繼續沙巴(亞庇)出發前的行程簡介~ 今次主要講浮潛、潛水的地點 / 島嶼如何選擇，以及除陽光與海灘外有咩觀光活動~~

延伸閱讀：【沙巴自由行】天氣、機票、酒店住宿全攻略！出發前必讀懶人包

JOYKreator 鋒加西亞

旅遊服務人氣住宿飲飲食食玩樂體驗交通接駁

【沙巴自由行】天氣、機票、酒店住宿全攻略！出發前必讀懶人包

【沙巴自由行】亞庇Kota Kinabalu，香港人和台灣人會直接叫其省份名稱「沙巴」，係東馬來西亞最著名的旅遊地點今次已經係我第3次嚟沙巴，但呢個地方比我既印象仍然無變~ 熱到嘔既天氣、平到傻既物價、靚到爆既海灘日落~ 總之就係一個性價比極高既旅遊地方啦! 但原來我一直以來都無寫過呢個我非常喜愛既地方~ 雖然今次唔係一貫既背包刻苦遊，但都比我借呢個機會寫一寫我對呢個地方既一d小見聞啦

延伸閱讀：【行李清單】出境旅行必備執行李清單！長短途、四季適用

【行李清單2022】出境旅行必備執行李清單！長短途、四季適用｜附各國通關入境條件＋檢疫要求

【行李清單2024】旅行執行李清單checklist！長短途、四季適用旅行必備物品

【行李清單／旅行checklist】執行李準備出發去旅行喇！看著行李箱不知從何開始入手？Klook為大家精心整理執行李口袋清單，按著清單再配合當地天氣及個人需要逐步整理行李箱準備旅行必備物品，就不怕執漏行李啦！

沙巴自由行｜1. 沙灘+潛水

如果嚟沙巴唔享受陽光與海灘，咪同去KFC唔食雞一樣真係唔知你嚟做乜野~

疫情後可供浮潛與水上活動既地點大約有5-6個，分別係 :

沙庇島Sapi Island (近，可跳島)
馬奴干島Manukan Island (近，可跳島)
馬姆迪島Mamutik Island (近，可跳島)
加雅島Gaya Island (大，似長洲)
汀娜灣島Dinawan Island (傳聞dirty)
美人魚島Mantanami Island (好遠，好靚)
環灘島Mengalum (傳聞都好靚)

頭4個島都屬於「東姑阿都拉曼國家公園」範圍，同樣自己去Jesselton Point碼頭坐船~

環灘島Mengalum 島係我5月出發時，傳聞被台灣發展商買下封島起度假村入唔到

但落筆時已見到Klook都有相關行程，應該是解封了

聽聞佢同美人魚島一樣咁靚，亦一樣咁遠，有興趣既朋友可以一試~

另一勝地，以泥漿浴及大量水蛇著名既超人迪加島同樣封左去唔到

想去玩女子泥漿摔角同蛇王既朋友要等下了

係十幾年前，沙庇島、馬奴干島、馬姆迪島都係性價比高，又近又多魚既超正浮潛勝地

我於2009年去沙庇島，d魚多到係身邊衝來衝去，仲間中幫我咬下死皮，but痛

但亦由於太近市區太多人，我於2018年再到訪時已彷如屋企個金魚缸得果幾條，鵝頸橋街市仲多過佢

當地人都話已經無乜野睇，但如果唔想去太遠 or 當晚夜機走的話，沙庇島等仍然係好選擇~

至於今次唔再去沙庇島了，我決定去當地人評價最高既美人魚島Mantanami Island~

要去美人魚島必須跟團，仲要三個幾鐘搭車又搭船好遠呀!

不過當我上到島上，看到馬爾代夫般的清藍玻璃海與純白幼滑沙灘，就覺得一切都係值得了~

至於浮潛，有人話會見到海龜，但我似乎同蒲島太郎無咩緣份，睇各位運氣啦~

對於美人魚島詳細少少既介紹，大家可以睇住我IG 3篇簡短遊記先，下一回會有詳盡介紹呀~

沙巴自由行｜2. 紅樹林 – 長鼻猴+螢火蟲

沙巴另一必去行程當屬晚上於紅樹林餵蚊~

只要妳裸露既肌膚有邊part無蚊怕水，立即如烏蠅”嬲”蜜糖般洶湧埋嚟，呢個滋味唔係度度都有不能不試~

而次要d既行程就係紅樹林坐船睇螢火蟲了~

Even我2009年時已經睇過，今次十幾年後再睇仍然覺得非常夢幻~

如果各位唔怕蟲既，可算是沙巴必然行程~

而紅樹林仲有最後一樣主打長鼻猴~

一般行程會在美人魚島回程後，不過睇唔睇到要靠運氣

而我亦唔明有咩好睇，要睇大鼻我睇警察故事，要睇馬騮我去金山郊野公園

最終亦只睇到兩隻小猴子

Um，當遊下船河啦~

沙巴自由行｜3. 神山

神山係著名的東南亞登山熱點，傳聞登山level與富士山不相上下，攪到我都好鬼想去!

不過唔登山既朋友，一樣可以去附近的熱帶雨林淋下花淋下雨，行下吊橋浸下溫泉，又或者去牧場餵牛羊豬兔再食Q左佢等等~

唔少local tour都有呢個行程，網上既資料亦多，我只係2009年去過一次唔太熟唔講太多了~

沙巴自由行｜4. 市內景點

沙巴市中心的景點真係唔算多，我認為最值得睇既全部都同日落有關

Kota Kinabalu向西，只要5-6點行到海邊，每個位置都係欣賞咸蛋黃既好地方~

但我認為觀賞沙巴日落既最佳地點，始終係被譽為世界三大日落之一既丹絨亞路海灘Tanjung Aru Beach

(但另外兩大係乜我搵唔到，亦唔知呢三大係咩人up出嚟……)

丹絨亞路特別靚既原因係佢淺灘位置又大又長，亦成一個有浪潮的天空之鏡

而沙巴的特殊氣候，特別容易使天空幻化成五彩繽紛，好似香港打風前後咁既天色

在此時所看到的夕陽，不再只是金光燦爛，而是混和紫光紅霞，蓋天彤雲向你襲來

再加上海水映照成鏡，天上天下融為一體，美得不可方物

如果唔想去沙灘，Sunset Bar都係一個好選擇~

除左KK Waterfront一整條酒吧街外，沙巴市內最高級果幾間酒店都有坐擁絕佳日落位置既酒店，當中又以Shangri La的Sunset Bar最有名

全因其酒吧位於丹絨亞路旁邊，並建於長堤盡處，令人彷如置身海中心挨住梳化嘆住酒睇日落，Chill到不得了!!

咁既享受價格當然不非，已經係香港酒店skybar價格，無book無得入，非住客仲要入場費tim!

不過又咁，呢個可以話係沙巴此地最高級既享受，此刻無價，我覺得值!

沙巴市內既名景點仲有一個就係「水上清真寺」

但小弟去完伊朗後真係咩清真寺都被比下去，咩水上其實都係岸邊je

特登坐車去好似有d無謂，大家都係太得閒時先去啦~

大家從字裡行間都feel到我其實幾鍾意呢個地方啦~ 我諗我應該會嚟第4次第5次tim~

襯而家機票唔貴，一於買返張過去嘆幾日啦~ 一定抵過去staycation ga!

跟 JOYKreator 玩盡世界！✈️

鋒加西亞

Hello我是鋒加西亞~ 歡迎來到我的旅遊Blog網站「鋒加西亞 – 德國工作假期後的世界流浪」!

如果想搵富貴旅行嘆世界資訊ge，抱歉~ 呢度只有由一堆廢話組成，一人背包窮遊的主觀無聊遊記~

此Blog起源於2013年我前往德國工作假期，原名「瘋人鋒語 – 三十前八十後的德國工作假期」，起初純粹想簡單記錄心路歷程，慢慢由日記變成遊記，由出走德國變成走過好多國，至今已到訪49個國家(疫情關係第50個泡湯了…..) 希望疫情快過，大家都可以再次出走啦!

另外我只會用香港式廣東話寫作。

雖然會影響閱讀觀感，但我個人卻非常喜歡這種「看文字就像聽聲音」的感覺，內文用詞也能直接映出我一貫的說話風格，所以——非粵語使用的朋友對不起啊!

總之希望大家看得輕鬆開心~ 如果能對大家計劃行程有所幫助就更好了~

如有任何意見，或想知道更多文章內的資訊，隨時歡迎留言或email funggarcia@gmail.com和我傾下偈呀~

個人網誌：https://travelblog-fung-garcia.com/
IG@fung_garcia_backpacker
FB@鋒加西亞 - 德國工作假期後的世界流浪

更多旅遊貼士：

特區護照續期

【特區護照續期】5大預約申請方法！最快5日可取｜相片要求、所需文件

【特區護照續期／預約申請方法】特區護照續期預約、申請流程及相片要求等！去旅行前記得確認護照有效日期，若即將過期就要去辦理續期手續。Klook整理了特區護照續期預約方法、申請流程、所需文件及相片規格等，準備好護照隨時再出發去旅行！

【行李清單2022】出境旅行必備執行李清單！長短途、四季適用｜附各國通關入境條件＋檢疫要求

【行李清單2024】旅行執行李清單checklist！長短途、四季適用旅行必備物品

【行李清單／旅行checklist】執行李準備出發去旅行喇！看著行李箱不知從何開始入手？Klook為大家精心整理執行李口袋清單，按著清單再配合當地天氣及個人需要逐步整理行李箱準備旅行必備物品，就不怕執漏行李啦！

【唱錢攻略】外幣兌換方法 + 找換店

【唱錢攻略2024】5大最抵外幣兌換方法！10大找換店推介

【外幣兌換／唱錢最抵攻略】去旅行前當然要兌換外幣，那麼去哪裏唱錢最抵？在香港還是海外唱錢？找換店還是銀行？Klook 分享唱錢的 5 大方法、熱門旅遊地包埋日本、台灣、泰國、韓國等地最抵唱錢方法，以及本地找換店推介！

沙巴馬來西亞

度身推薦