疫情期間，無地方好去，8月5号咁啱放假，經klook 報咗尖沙咀Hyatt 嘅deluxe room一房連自助早餐十$1000餐飲回贈。首先，網上预訂手續快捷方便，klook 收到過數後即時確認，check in亦快，15分鐘左右完成，最難得係10點已經可以check in, 而退房係4點，俾到你充分放鬆放假嘅感覺。其次，員工服務，非常友善及樂意提供幫助，可能係平日，我要求改成兩張床及較高樓層，前台美麗的小姐即安排升級至21樓高樓景加部分海景的客房，房間有充分空間，大浴缸及一德舒適的躺椅，香港居高臨下景色一覽無遗，40吋大電視，尤其值得一讚係房間的床褥夠挺，房間清潔度可達100分，空調非常舒適。自助早餐選擇不算太多但美味，1000元回赠用於自助午餐兩位連加一約699元則略嫌不值，選擇少。海鮮有長腳蟹、青口、蝦、蜆，由於客少，refill亦少，而且都很細小。建議不如用1000元回贈試其他餐廳可能會更好。選擇有希戈餐廳、咖啡廳、嘉賓軒酒廊，否則，酒店就位於尖沙咀河內道K11隔離，樓下附近各式其式的不同食肆，不過，下午6時後就只能外賣。
總括而言，成過套餐$1518，實在係非常超值，平時非疫情時期，呢個價錢，普通房都唔得，所以趁平，我推介大家可以嘗試下，淨係間房都值回票價。